قصة ألكساندرا

بسم الله الرحمن الرحيم
----------------------
فى نفس اليوم من السنة الماضية
قررت افتتاح المدونة
و كانت تحدى منى لنفسى عشان حاجة مهمة جداً
انى اثبت لنفسى انى اقدر اعتمد عليها فى عمل حاجة من اولها لأخرها
من غير مساعدة من حد !
صحيح انى سالت اخويا فى كام حاجة فى التشطيبات
عشان لغة البرمجة و كده
بس كان على سبيل ان يعلمنى على حاجة
و انا بطبق فى الباقى :)
***
طب ليه انا كنت عايزة اثبت لنفسى كده؟
لسبب بسيط انى حسيت فجاة دون مقدامات انى بسأل كتير
و بعتمد انى أخذ المعلومة بالسؤال بس
رغم انى ممكن ادور عليها و اجيبها
او انى اخلى حد يساعدنى فى عمل حاجة و انا ابقى واثقة انه حيعرف يعملهالى فعلاً
بس ليه انا متعلمش اعملها بنفسى ؟
مش عارفة ايه اللى خلانى احس بكده برده !!!
يمكن لانى بحب اتعلم و يمكن لانى طول عمرى بدور على المعلومة
و عمرى ما أخدت حاجة مسلم بيها كده !
حسيت انى ثقتى فى بعض الناس لغت جزء منى
انها خلتنى استسهل و انا ما كنتش حابه ده يكون فى شخصيتى
صحيح ان لازم اكون اكثر مرونة و اتقبل مساعدة الآخرين
لكن لما اكون مضطرة او محتاسة
يعنى ظروف خارجة عن أرادتى مش على طول
ما ينفعش الواحد يبقى محتاس على طول
كدة كتيييييييير
و ده اللى حسيته فى نفسى و ضايقنى جداً
ان ليه الأحساس ده عندى
ليه حاسة انى ضايعة و تايهة لو بقيت لوحدى ؟
او انا فعلاً كده!
يمكن ده حاجة من الحاجات الكتير جداً اللى كانت مضايقانى ساعتها
فى الوقت ده حتى الناس كانت ملاحظة عليا تغير
لما الواحد يبقى محتاج لمبه ماسينجر جمبة والعة
عشان يقدر يكمل شغلة
عشان ما يحسش انه لوحده و انه حيفشل فى مهمته
عشان بس حاسس انه ما يقدرش يعمل الحاجة ده عشان لوحدة
بجد بشكر الناس اللى ساعدتنى فى وقت الشدة
و بشكر كل من ساعدنى انى اوصل للأحساس ده
احساس تحدى نفسى و محاولة تغيير ده
و بشكر كل من علمنى شيىء
دون ان اطلب اولاً
ثم بعد ذلك اشكر من علمنى إذا طلبت
سواء الحاجة اللى اتعلمتها ده
معلومة او حكمة فى حياتى او تجربة اتعلمت منها
كفاية كده كلام فى الموضوع ده رغم ان لو كملت مش حخلص بجد!
***
المهم فى المناسبة ده
ذكرى افتتاح المدونة و اللى كنت مستنية سنتها انى افتتحها
فى آخر يوم امتحانات عشان الكل يشوفها
كانت عندى امال ليها كتير زمان
و كنت متوقعة حاجة تانية خالص
المهم كنت اتكلمت فى الأفتتاح عن قصة ألكساندرا
المرة ده مش حتكلم عليها
حسيبكم معاها انتوا تقروها
بصراحة عذبتنى عشان انقلها على scanner
اتمنى انكم تقروها و تحسوا بقيمة كل جزء فيها
زى ما كنت بحاول فى كلامى فى المدونة
انى ابين فكرة عدم اهمال التفاصيل
و ان نستفيد من كل حدث و كل كلمة و ان كل حاجة بتحصل لحكمة
حتلاقوا افكار و معانى كتير بجد
المهم تركزوا!
و بالنسبة للطلبة صيدلة اظن انها حتفيدنا
المرض اللى مذكور فى القصة
أظن اننا حندرسة بالتفصيل هكذا قيل لى و الله أعلم
اللينك فى الأسم
و شكرا
:)

للتحميل أضغط الرابط فى الأسم

V
V
V

ألكساندرا

مسمار ليس إلا ؟!

تعتقد أنها كالمسمار في تلك اللوحة: التالي وصفه :-
كل شيئ متماثل أو حتي متكامل مع بعضه ، إلا هو لا يناسب اللوحة ، باقي اللوحة تستاء من عدم ملائمته لها في سكون بل و تتعجب أيضا
كأن من الطبيعي أن يفعل ..!
و لكنه لم يشعر بهم في البداية .. حاول أن يدخل في اللوحة أكثر لعلها تلائمه!
و كلما حاول الدخول تزيد تساؤلات من حولة لا يعرفون لماذا يفعل ذلك ؟
ذلك المسمار أصبح يتألم كلما حاول الدخول في وسط اللوحة أصبح ينثني مع كل دفعة من الشاكوش علي رأسه ..
أصبح الآن يتمني الخروج من اللوحة التي لا تلائمه و لا يلائمها ..
و بدأ يقرأ علامات التعجب في وجوه مكونات اللوحة من حولة التى لم يكن يلحظها من قبل..
بدأ يسمع أفكارهم المكتومة .. و ما زال يزداد آلما مع كل هذا ..
ألن تكون لمعاناته نهاية ؟
يحاول أن يخرج و لا يستطيع أصبح صدأ مما أصابه من يأس .. هكذا بسرعة ؟ أنتهت فترة لمعانه !
***
قالت لنفسها ": الآن .. إن لم ينزعه أحد فسأتكفل أنا بهذا ! "
***
* صحيح أن مكانه سيترك آثرا إلا أن سرعان ما أحد العناصر سيحل مكانه ..

و لكن في تلك المرة سيكون ملائم و سيعتاد الجميع الأمر..

09:33pm Thu 07-01-2010

thinking

Nothing
is
Every Thing

This Is a Fact
...

سبحان الله..

سبحان الله
سبحان الله
سبحان الله
سبحان الله الذى أبدع فى خلقة

الجمال..

الجمال هو شيىء نسبى هذا شيىء مؤكد

و جميعنا تعايشنا معه لن أتحدث الآن عن انواعة
و لا عن اختلاف الكتاب فى تعريفة ممن تحدثوا عنه

لكن تذكرت جملة كنت قلتها فى ساعة صفاء مع نفسى
لما كنت بفكر يا ترى ايه أجمل حاجة ؟
على أى اساس بقول ان ده اجمل حاجة شافتها عينيا مثلاً
اشمعنا اجمل حاجة يعنى بقى ؟
ايه مفهوم او ترجمة اجمل حاجة ده ؟!
...
طبعاً ده ما لوش علاقة ان ممكن حاجات تانية لو كنت بصيت ليها بنظرة اخرى كنت حلاقيها اجمل
او
إن عنصر النسيان يدخل فى الموضوع
او أى عنصر آخر دخيل
...
جملة واحدة فكرت فيها انها توصف اجمل حاجة نشوفها
فى مقارنة حيه بين أكثر من شيىء

" إن أجمل شيىء تراه .. هو الشيىء الذى يعطيك اجمل أحساس "

*****

صواب حقاً

حينما قررت ان تفعل الصواب
و حان الوقت لتنفيذ الأمر
فعلته ..
و لكن بأسوأ شكل ممكن ان يحدث
...

أوباما و..؟

بسم الله الرحمن الرحيم
------------------------

الحقيقة مش عارفة اللى فكرنى بالفيديو ده
بس افتكرته يمكن عشان حاجة دلوقتى فكرتنى بنفس الفكرة
اللى فكرت فيها لما شفت الفيديو
الحقيقة هو سؤال ؟
هل دايماً افعال المرء و ردود افعالة المفاجأة
يعنى اللى بتيجىى من غير ترتيب ولا تخطيط
هل دايماً ردود الأفعال او المواقف ده بتعبر عن شخصية الأنسان؟
و لو بتعبر عنه هل مع اختلاف بسيط فى الموقف
حيكون نفس رد الفعل حتى لو كان مفاجىء برده ؟
و أخر حاجة هل يمكن الحكم على انسان من موقفين او ثلاثة
و اتخاذ موقف معه او ضده؟
و ما تديلهوش فرصة تانية يمكن تكون شايفة غلط
او حتى هو كان متأثر بحاجة فى الفترة ده
فأدى لتصرفاته ده
يا ترى لقيتوا اجابة ؟

لماذا تسأل ؟؟؟؟!

الأسئلة انواع
-----------
حتكلم على كام نوع يمكن مش كله

***
ساعات بنسأل عشان عندنا جهل بالمعلومة
و لذلك نسأل للتزود بها من الأخرين

***
ساعات تانية بنسأل عشان نتأكد من ان المعلومة اللى عندنا صح ولا غلط
او اننا عايزين نعرف المعلومة ده كاملة ولا ناقصة
او لمجرد رؤية وجهة نظر اللى بيتسأل فى السؤال ده !
او عشان تخلية يفكر فى حاجة انت عايزة يفكر فيها فى نفسه ؟

***
ساعات تانية بنسأل كأختبار
بتسال عشان تعرف هو عارف المعلومة ولا لأ
او بتسأل عشان تعرف حيستهبل عليك ولا لأ؟
أو بتسأل عشان تختبر صدق اللى قدامك
و مدى ثقته فيك او فى نفسه
رغم انك عارف الأجابة لكن بتسأل
على أمل انه مش حيكذب
على أمل انه مش حيستهبل و حيثق فى انك عمرك ما حتتمنى الشر
عشان تعرف نوعه ايه
هل يجيد الكلام و فنه و هل سيستطيع الهرب دون ان تلاحظ؟
ام انه سيرتبك و سيضطر للتأليف و حبك الأمر
ام انه بكل بساطة حيصدق و مش مهم اى حاجة تانية

*****

?New Year

And ..

No Comment

***

الحديقة السرية..

الحديقة السرية
--------------


في يوم همست في أذني

من يمسح عن قلبي حزني

يرجعني خضراء اللون

أعشـــــاشا للأطيار

***
لحديقتنا في قريتنا باب

ولها أسوار

لا يعلم أحد ما فيها

تخفى عنا الأسرار

***
أقبلت بجد أسقيها

أروي الأشجار أحييها

وغدا من أجمل ما فيها

زهر لا كالأزهار

***
لحديقتنا في قريتنا باب

ولها أسوار

لا يعلم أحد ما فيها

تخفى عنا الأسرار

***
ما أجمل أن تسقي الشجرة

لتضاهي في الحسن القمرا

أن تغرس في اليائس أملا

زرعا يعطي الأثمار

لحديقتنا في قريتنا باب

ولها أسوار

لا يعلم أحد ما فيها

تخفى عنا الأسرار