بسم الله الرحمن الرحيم
--------------------
مقطوعة بعنوان بحيرة البجع
تأليف
"Tchaikovsky"
و هى من الموسيقى الكلاسكية
للتحميل أضغط هنا Mp3
ملحوظة : لو الرابط مش هو او فى مشكلة قولوا عشان ما نزلتوش عشان اتأكد
و الفيديو اهو جبتة اخيراً !
الرابط على اليو تيوب
و ده واحد بيعزفها على الكاسات الزجاجية
للمشاهدة
click here
.......
JUST FEEL IT
Enjoy
الأول : ما رأيك بى ؟
الثانى : عهدتك دوماً صادقاً ..
الأول : اما انا ف عهدتك دوماً منافقاً !
....
I don't know if you care about me or not ?
but ..
what i really know is that
i do care about you
:)
:(
بسم الله الرحمن الرحيم
--------------------------
سؤال مش لاقياله اجابة
بس يمكن الزمن يجاوب علية
كنت فى ندوة الداعية محمد هداية منذ يومين تقريباً فى كليتى(صيدلة)
و كانت جيدة و استفدت منها الحمد لله
و كان اقبال الناس غير ما كنت متصورة لدرجه ادهشتنى !
و كانت اسئلتهم كثيرة جداً و ما اتجاوبش على ولا واحد منهم لضيق الوقت الشديد
اكتفى بأجابة اسئلة الدكاترة فقط !
و ما شاء الله الدكاترة عندنا مش بيحبوا يسيبوا الميكروفون ابداً !!!
المهم كم الأسئلة و رغبة الناس انها تعرف منه عجبتنى جداً و دار فى بالى السؤال اللى حقوله فى الآخر ..
.....................
عندنا فى الكلية دكتور اسمة دكتور محمد عيسى
بسم الله ما شاء الله علية
كلنا بنحبه و نكن له الكثير من الأحترام
غير مفهوم ان العلم للكآبه و حولة الى العلم للمتعة
او هكذا اراد على حد قولة
و اعتقد جدياً انه نجح فى ذلك الآمر
بصرف النظر كل واحد فينا شايف الدراسة أيه
مش حتكلم على ده
لكن حتكلم على ان الناس اد ايه مقبلة على انها تسألة
الدكتور مجرد ما يخلص المحاضرة
مش بيخلص من الناس و اسائلتها
سواء دراسية او غير دراسية على مجال العمل و غيرة
عايزين يستفيدوا منه جالهم احساس بأنه قريب منهم و يقدر يفهمهم كويس
هذا الرجل استطاع ان يكسر حاجز الخوف و فتح مجال للسؤال امام الطلبة بأدبة و اجابته المستفيضة
من الناس القليلة جداً اللى تجد عندها علم غزير لا تبخل به
و فى نفس الوقت عندها كم رهيب من التواضع
من أكثر الناس تواضعاً فعلاً
ربنا يكرمة و يبارك له
القصد بقى
السؤال الخطير
يا ترى
حد فينا انا او انتم
فى يوم من الأيام حنبقى زي النماذج ده
يبقى عندنا علم غزير نقدر نوصلة للناس
هو بأيدينا اتمنى ده
لكن برده هل حتتاح لينا الفرصه اننا نوصل المعلومة و العلم كده
اننا نخلى الناس تحب تسعى للعلم
اننا ما نقدرش نخلص من اسئلة الناس من كثرها و حبها فى انها تسألنا
يا ترى ده ممكن يحصل ؟؟؟
و ها قد عادت اخيراً لى
ذهبت و تركتنى و لكنها عادت اخيراً
فملأت سمائى بصفاءها البلورى
وتخلل صوت رفرفات جناحيها قلبى ليداعبه فى خجل
يا له من أحساس رائع أن تعودى لى بعد طول غياب
أعدك الا يصدر منى ما يغضبك ثانية
فلا تتركينى فأنا من غيرك
مجرد لعبة يحركها
الزمــان
بسم الله الرحمن الرحيم
****************
و الصلاة و السلام على سيدنا محمد و على آله و صحبه و سلم
السؤال اللى كان بيدور بذهنى قبل امتحان ال(microbiology) هو ايه الفرق بيننا و بين الميكروبات ؟؟؟
و السؤال بالثلاثة !
بجد ..
الميكروب هو كائن خلقه الله لهدف ما ..
أكيد لهدف ما كل حاجه و كل شيىء و كل كائن و كل حياة على هذه الارض خلقت لهدف ما
لحكمة يعلمها هو وحده (الله عز و جل )
و كانت الأجابة اللى وصلت لها بعد تفكير هى ..
" العقل "
إذن العقل اللى بيميزنا عنهم !
جميل جداً ..
يعنى ربنا فضلنا عن المخلوقات كلها بالعقل ده ..
عقل ذكى ..عقل غبى ..عقل حكيم ..عقل طائش
مجرد درجات تخضع لتقييم الانسان للتصرفات
لكن فى النهاية أسمه عقل و بيفكر و التفكير بيؤدى لعمل طبقاً للتفكير
سواء بأتباع الفكر او اتباع عكسه !
ربنا وزع الذكاء بين البشر ..
بدرجات معينه ..بطريقة معينه
مش قضيتنا و مش المفروض نقول هو أذكى منى ليه
المفروض نفكر ..
"هو ده أقصى حاجه فى ذكائنا ؟"
"هى ده أقصى قدراتنا؟"
"هو انا بستخدم عقلى صح زى ما المفروض اتخلق عشانه العقل ؟"
هى ده الاسئلة اللى المفروض نفكر فيها ؟؟؟
مش أقول إهىء إهىء انا وحش انا غبى مثلاً !!!
حتى لو الانسان غبى (لا قدر الله )
أكيد فى حكمة برده من ده
و يمكن الغباء ده يكون وراه حاجه اجمل
احساس !
يعنى واحد تفكيرة محدود لكن أحساس بالصح بلا حدود
فيهتدى لأرشد الطرق للصلاح ..
إذا ليست مسألة ذكاء او غباء
او تفكير و لا تفكير
و إنما أستغلال للموارد صح
و العقل فى حد ذاتة نعمة
و كذلك التفكير الناتج عنه هو اللى بيخلينا ندرك كل ده
و مهما وصل الانسان درجة غباء (بتقدير البنى أدمين )
لكن ما زال هناك عقل فى ذلك الانسان
يميزه عن الميكروبات و هذا يكفى لتحقيق هدف الأنسان من البقاء على وجه الأرض ..
.
.
.
كيف يعيش الكائن الحى
بأكثر من طريقه كلنا عارفينهم تقريباً
يعيش تعنى حياة
و حياة تعنى غذاء ودورة حياه الكائن
.............
النبات
بيتغذى على حاجات بسيطة
ضوء شمس
أملاح
مياه فى تربة او مش تربة (المائى منها )
.............
الحيوان
يتغذى على النبات او الحيوانات
.............
الإنسان
على كلاهما النبات و الحيوان
.......................................
فى علاقات بين الكائنات
تكافل
تطفل
ترمم
..............
تكافل تعنى إن كل واحد بيفيد التانى و ما فيش ضرر
تطفل يعنى واحد يستفيد و التانى مش مستفيد بالعكس بيتضر
الترمم تعنى إن اللى يستفيد لازم يكون التانى ميت
يعنى الميت مش حيتضر لانه ميت
و ده سنة الحياة و حكمة الآله فى التوازن البيئى
ناس تموت تتحلل فى التربة بواسطة الكائنات اللى بتحلل (اللى بتعيش على الأجساد الميتة )
.
.
.
الميكروب (النوع المتطفل )
هو عشان الميكروبات تعيش لازم العائل يصيبه ضرر
يعنى يا اما بتتغذى على الغذاء بتاعه
او لما بتتكاثر بتؤدى لتلف فى خلاياه فتموت فيصاب بضرر
و الضرر قد يؤدى لهلاك العائل (الحامل للمرض )
يعنى فى جميع الاحوال مضره
لكنها لا تملك عقلاً لتمييز به الوقائع
و وظيفتها فى الحياة هى أن تعيش
يعنى ذلك ان تكمل دورة حياتها دون اعتبارات أخرى
و إذا قوبلت بهجوم من قِبل المناعة الطبيعية او المكتسبة من الخارج
تقابل ذلك بتغيير فى خصائصها لتقاوم تلك المناعة
قد تفلح فى المقاومة و قد تفشل ..
لكنها تقاوم ..
هل تفكر فى المقاومة ؟
هل تخطط و تضع نظماً دستورية لتلك المقاومات الميكروبية ؟؟
هل عندها عقل لذلك ؟؟؟
ليس لديها عقل ..
و لكن الله وهبها تلك القدرة كى تعيش كى تحيا
كما وهبنا الفكرة كى نميز بمساعدة عقلنا بين الصواب و الخطأ !
هى لا تملك الخيار ..لا تملك ذلك التحكم
لا تملك القدرة فى قيادة نفسها للهلاك
على عكسنا نحن !!!
لقد وهبنا الله العقل
و لكن إذا استخدمناه خطأ دون أتباع التعليمات المرفقه به
سيؤدى إلى الهلاك (هلاك الفرد او الجماعة)
و ما هى التعليمات المرفقه به ؟؟
"الدين "
....................................................
دلوقتى بعد الكلام ده كله
عايزه اقول اللى وصلتله من تأملى للناس حالياً
مش حقول كل الناس
لأنى مش بحب اعمم ..
الناس بقت مش بتراعى بعضها
للأسف
و مش عندها المبادىء اللى تمشى وفقاً لها بأستخدام عقلها
(بأعتبارها بمثابة الفطرة السليمة)
فطرة الدين
بقى كل واحد همة مصلحته و بس
حتى لو ده سبب آلم او حزن او ضرر و لو بسيط للى حوالية
انا مالى كله بيعمل كده
بقى هو ده المبدا و هى ده الفطره الغالبة !
مش تشاؤم و لكنه الواقع
و مش تعميم فهناك من هم ليسوا كذلك
و لكن السوء عندما ينتشر
تفوح رائحتة لتغطى العطر الجميل !
يبقى أيه الفرق بين الناس اللى مش همها إلا مصلحتها
و بين الميكروبات اللى بتعيش لنفسها بس ؟
ولا حــــــــاجة !
يا ترى وصلتوا معايا لاجابة السؤال
؟؟؟؟
المرء يخطأ و يندم و يتذكر فيتألم و لكن إذا أدرك ان ما يفعله خطأ و برره لهدف فى نفسه حتى و لو كان الهدف نبيل فهو ينافق نفسه .. لانه يعرف انه يفعل الخطأ رغم كل شيىء و كما يقولون من يعرف الخطأ و يفعلة فهو إنسان ميت .. لذا لا بأس ان تخطىء و تدرك خطأك لكن الحماقة ان تكرر الخطأ و لكن إذا أخطأت و كررت الخطأ فارجوك من فضلك لا تفعل الخطأ و انت تعرف انه خطأ !
