أفتتاح المدونه ..

بسم الله الرحمن الرحيم
-----------------------

كالعادة حقول كلمه من دماغى ...

حاولت كتير انى اخطط للى حقوله و فشلت !

الأول ...

يا ترى صاحيين ولا نايميين ما انا عارفه اول لما تيجى الاجازة كله يشخر !

فكرت اعمل مدونه ليه ؟ ولاقيت الاجابة سهله اوى :::

قلت أخيرا حيبقى عندي مكان لأجمع فيه افكاري ..

بدلا من الاوراق المتناثره حولي..

على المكتب ...

تحت المكتب ...

داخل كشكول ...

او حتى فى جلده كتاب ...

و ايضا ملفات ال word المتناثره على ال desktop !

طبعاً مستغربين إن اسمى ..الكساندرا

حتقولوا ايه حكايتي مع الاسماء ده .(اليكس ..الكساندرا)

يمكن عشان عارفة أزاى بيفكر اللى برة أسكندرية فى الناس اللى جواها

للأسف تفكير سلبى جداً جداً ..

ولأنى بكره التعميم ده ..حبيت إن اسمى نفسي على اسمها و احاول كأنسانة اكون مثال حي للى عايشين فى اسكندرية ..

البلد التى أُكن لها عظيم الحب و الأحترام ..

لإن مش كل الناس وحشه و مش كل الناس حلوه ..

لكن قلت ابدأ بنفسي ..

واجهت فشل و واجهت نجاح ..

لسه المشوار قدامى و يا عالم حقدر احقق اللى بقوله ولا لأ ..

انى اكون مثال جيد للناس اللى عايشين داخل هذه البلد ..!

--------------------------------------------------------

تاني سبب و ده الاهم ..

___________________

ان كان فى قصه بعنوان ألكساندرا ..

هي طفلة عندها مرض وراثي لا تستطيع معه الحياه كثيراً ..

و مع ذلك كل حياتها كانت مفيده ليها و للى حواليها ..

كانت بهجه أسرتها الصغيرة ..

الجميع احبوها .. ترقص و تلعب و تصادق و ترسم البسمة على وجوه الاخرين ..

ثم تأتى لحظات ألم تمنعها من التنفس !!!

نهايتها حزينة و حياتها مؤلمة ده لو فكرنا من ناحية اللى قاسته من الآلام ..

لكن لو بصينا من ناحيه تأثيرها على الناس ..

على إقبالها للحياه ..

على أهتمامها بالأخرين و رسم البسمة على وجوههم ..

على تغلبها على كل متاعبها كى تعيش ما لديها من الوقت تفعل شيىء جيد ..تمارس ما تحب من الأعمال ..

حنستفيد أكيد ..

قصه حياتها قرأتها من زمن بعيد..

اثرت فيا و فضلت فاكراها ..

حتى كتابه هذه السطور !

اتمنى ما يكونش كلامى نكد عليكم ...

اقلب بقى على أنى حفتتح المدونة :::

ما حدش ينسى الهدية مش عايزه إيدين فاضية هنا ..

:-W

و لو حتعملوا حفلة و هيصة بقى بلاش تشغلوا اغانى من النوع المخالف ..

زى العنب أو أيظن .. عشان المراره بس الله يكرمكم !

و اخيراً..

اتمنى انى اوفق فى اختيار الماده التى تعرض فى هذه المدونة

و إن كل اللى يدخل يقرأ حاجة او يتفرج عليها يستفيد

حتى و لو بأبتسامة ..

و شكراً..

التوقيع : الكساندرا