بسم الله الرحمن الرحيم
--------------------------
اولاً احب أشكر ناس استفدت منها من خلال تعاملى معاها عن طريق الأنترنت..
كانت فترة قصيرة اللى تحدثت فيها مع الآخرين عن طريق الأنترنت من مناقشات ..
الفترة ده لا تتعدى السنة و على الرغم من كده شعرت ان هم كأخوتى ..
بصرف النظر عن شعورى ناحيتهم فى الوقت الراهن ..
و لكن اعتقد ان تلك الفترة على الرغم من مساوءها الا انها فادتنى أكيد ...
اريد ان يعلم الجميع امراً هاماً ..
إن اى تجربة فى حياتك المسبب لحزنك او فرحك هو انت مش حد تانى !
ممكن تكون التجربة ما فيش اى حاجة تضايق فيها لكن انت اللى ضايقت نفسك و العكس ..
................
ترددت كثيراً قبل كتابة تلك الكلمات
و لكن السؤال يحيرنى فعلاً !
لماذا يكتب المرء ..؟
فلم تكن تلك من عاداته ابداً ..
و لم يود ذلك يوماً ما من قبل !!!
و لكنة حدث فجأة ..و أكيد فى سبب دفعة لكدة ..
و انا لا اؤمن بحدوث الشيىء لحدوثة فقط فهناك حكمة من كل شيىء يحدث
كل كلمة ..كل فعل ..كل رد فعل !
ربما لأتعلم انا ؟
ربما ليتعلم غيرك ؟
ربما لحكمة لا اعلمها ؟!!
ليس هذا هو المهم و انما المهم ان تعرف ان كل شيىء يمر بك ..
محزن او مفرح ..مظلم او مضيىء انما هو لهدف ما
حياتك نفسها لهدف ما حتى لو لم تعرف بعد ما هو الهدف منها
هناك اشخاص يعيشون و يموتون و هم لا يعرفون لماذا كانت حياتهم ..
لماذا يعيشون و هل هم يستحقون ؟!
و يظل هؤلاء يبحثون عن أجابة ذلك السؤال دون الحصول على جواب ؟
رغم ان الجواب قد يكون امام اعينهم لكنهم يبحثون فى المكان الخاطىء !
أشخاص آخرون ربما محظوظون ..
قد عثروا على أجابة السؤال ..
و توصلوا للحكمة من حياتهم فى بداية حياتهم او منتصفها ..
او ربما قبل رحيلهم بثوانٍ ..
عرفوا حقاً و آمنوا بتلك المعرفة و هذا هو المهم ..
و لكن قد يتسأل البعض ؟
ربما هم يقنعون انفسهم بأجابة ذلك السؤال
و انهم يتوهمون و ليسوا حقاً يعرفون !
ربما من يقول ذلك على حق ..
و لكن حتى لو سار الأمر على ذلك النحو فسأقول :
"انهم أفضل كثيراً من مَن ماتوا و هم لا يعرفون اجابة السؤال و يرفضونها و هى امام اعينهم "
و لكن أليس الآخرون هكذا يخدعون انفسهم ؟
ربما!
اوليس ان تخدع نفسك بشيىء يدفعك للأمام افضل
من ان يظل سؤالك يحيرك فتقف فى منتصف الطريق ؟!
................
عفواً يا سيدى لقد تطرقت لأمور عديدة آخرى و لكن كل شيىء يقود لشيىء آخر !
كان التساؤل الرئيسى لماذا اكتب ..
أعتقد ان الأجابة هى ما سبق ذكره ربما قدر لى ذلك فقط ..
لماذا ؟ أكيد لسبب ما !
يمكن عشان اتعلم من التجارب اللى مرت بيا ؟
يمكن عشان اوضح للناس فكرة ما ما كانتش حاضرة فى ذهنهم دلوقتى ؟
يمكن عشان افسر او اعبر عن احساس يعجز البعض عن وصفة
او ربما يظنون انهم وحدهم فى ذلك العالم من يشعر بذلك !!!
يمكن و يمكن و يمكن ..
و لكن ما الجدوى ..لية انا بعمل كده
ماشى ممكن يكون فى تآثيرع الناس، ممكن يكون فى حكمة
لكن قد يكون هناك حكمة ايضاً فى التوقف عن ذلك ..
ربما لأن الأهتمام قد زال ..
ربما لأن لم يعد هناك من يريد التعبير عن حالة فقط يريد " اتركونى و شأنى "..
ربما لأن مضارة اصبحت اكثر من منفعته ..
أو ربما يصيب الكاتب الأحباط من عدم وجود رد فعل لما يكتبة ..؟
او وهو الأهم من ذلك ما كان قد دفعة للكتابة (المسبب ) قد زال تآثيرة و أختفى ..
فلمن يكتب و عن ماذا ..
لمن ؟
لمن يريد ان يقرأ ..
نعم انا اريد ان اقرأ و لكن لا اريد ان ابدى رأيى
أذن لابد ان ادخل داخل عقلك القارىء لأعرف بما يفكر ؟!!
سأسافر بعقلى عبر أثير المكان و الزمان لأكتشف المجهول ..
المجهول: هو من يريد القراءة ؟
و عن ماذا يمكن ان يكتب الكاتب ..
أكيد أكيد عن ما يريد القارىء ان يقرأه ..
جميل اوى طب هو يعرف منين اللى انت بتفكر فية
مش لازم حضرتك تقوله ؟!!
هنا أيضاً لابد للكاتب أن يسافر عبر المكان و الزمان
يدخل عقل من عرف انهم مهتمون بحديثة (ده لو اكتشف ده يعنى)
حتى ..
-فى ناس بتاخد دكتوراه فى الكلمة ده ..^-^-
حتى يستطيع توفير المناخ الملائم لرغبة القارىء فى المعرفة ..
....................
يعرف المفكرون لعنتهم
فالفكر نعمة و نقمة فى ذات الوقت ..
فالمفكر ما هو الا عقل يظل طيلة الوقت يفكر حتى يعيه ذلك
و قد يصيبة بالقلق و الأرق وما الى ذلك ..(الحمد لله اننا مش منهم)
و فى ناس بتقول المجانين فى نعيم يمكن عشان باين عليهم انهم مش بيفكروا !
او ما عندهمش العقل اللى يتعبهم بالتفكير فى اللى بيحصل حواليهم ..
يمكن تفكيرهم اللى فات ده كان سبب جنانهم اصلاً ..
و ان اعقل قرار أخده عقلهم هو انهم يتجنوا عشان يخلصوا من عذاب التفكير
فالتفكير عذاب عن بعض الناس ..إذا وجه توجيهاً خاطئاً
و المشكلة انه احياناً كثيرة يسيطر التفكير على الانسان و يملكه و هنا يكمن الخلل ..
.......................
--------------------------
اولاً احب أشكر ناس استفدت منها من خلال تعاملى معاها عن طريق الأنترنت..كانت فترة قصيرة اللى تحدثت فيها مع الآخرين عن طريق الأنترنت من مناقشات ..
الفترة ده لا تتعدى السنة و على الرغم من كده شعرت ان هم كأخوتى ..
بصرف النظر عن شعورى ناحيتهم فى الوقت الراهن ..
و لكن اعتقد ان تلك الفترة على الرغم من مساوءها الا انها فادتنى أكيد ...
اريد ان يعلم الجميع امراً هاماً ..
إن اى تجربة فى حياتك المسبب لحزنك او فرحك هو انت مش حد تانى !
ممكن تكون التجربة ما فيش اى حاجة تضايق فيها لكن انت اللى ضايقت نفسك و العكس ..
................
ترددت كثيراً قبل كتابة تلك الكلمات
و لكن السؤال يحيرنى فعلاً !
لماذا يكتب المرء ..؟
فلم تكن تلك من عاداته ابداً ..
و لم يود ذلك يوماً ما من قبل !!!
و لكنة حدث فجأة ..و أكيد فى سبب دفعة لكدة ..
و انا لا اؤمن بحدوث الشيىء لحدوثة فقط فهناك حكمة من كل شيىء يحدث
كل كلمة ..كل فعل ..كل رد فعل !
ربما لأتعلم انا ؟
ربما ليتعلم غيرك ؟
ربما لحكمة لا اعلمها ؟!!
ليس هذا هو المهم و انما المهم ان تعرف ان كل شيىء يمر بك ..
محزن او مفرح ..مظلم او مضيىء انما هو لهدف ما
حياتك نفسها لهدف ما حتى لو لم تعرف بعد ما هو الهدف منها
هناك اشخاص يعيشون و يموتون و هم لا يعرفون لماذا كانت حياتهم ..
لماذا يعيشون و هل هم يستحقون ؟!
و يظل هؤلاء يبحثون عن أجابة ذلك السؤال دون الحصول على جواب ؟
رغم ان الجواب قد يكون امام اعينهم لكنهم يبحثون فى المكان الخاطىء !
أشخاص آخرون ربما محظوظون ..
قد عثروا على أجابة السؤال ..
و توصلوا للحكمة من حياتهم فى بداية حياتهم او منتصفها ..
او ربما قبل رحيلهم بثوانٍ ..
عرفوا حقاً و آمنوا بتلك المعرفة و هذا هو المهم ..
و لكن قد يتسأل البعض ؟
ربما هم يقنعون انفسهم بأجابة ذلك السؤال
و انهم يتوهمون و ليسوا حقاً يعرفون !
ربما من يقول ذلك على حق ..
و لكن حتى لو سار الأمر على ذلك النحو فسأقول :
"انهم أفضل كثيراً من مَن ماتوا و هم لا يعرفون اجابة السؤال و يرفضونها و هى امام اعينهم "
و لكن أليس الآخرون هكذا يخدعون انفسهم ؟
ربما!
اوليس ان تخدع نفسك بشيىء يدفعك للأمام افضل
من ان يظل سؤالك يحيرك فتقف فى منتصف الطريق ؟!
................
عفواً يا سيدى لقد تطرقت لأمور عديدة آخرى و لكن كل شيىء يقود لشيىء آخر !
كان التساؤل الرئيسى لماذا اكتب ..
أعتقد ان الأجابة هى ما سبق ذكره ربما قدر لى ذلك فقط ..
لماذا ؟ أكيد لسبب ما !
يمكن عشان اتعلم من التجارب اللى مرت بيا ؟
يمكن عشان اوضح للناس فكرة ما ما كانتش حاضرة فى ذهنهم دلوقتى ؟
يمكن عشان افسر او اعبر عن احساس يعجز البعض عن وصفة
او ربما يظنون انهم وحدهم فى ذلك العالم من يشعر بذلك !!!
يمكن و يمكن و يمكن ..
و لكن ما الجدوى ..لية انا بعمل كده
ماشى ممكن يكون فى تآثيرع الناس، ممكن يكون فى حكمة
لكن قد يكون هناك حكمة ايضاً فى التوقف عن ذلك ..
ربما لأن الأهتمام قد زال ..
ربما لأن لم يعد هناك من يريد التعبير عن حالة فقط يريد " اتركونى و شأنى "..
ربما لأن مضارة اصبحت اكثر من منفعته ..
أو ربما يصيب الكاتب الأحباط من عدم وجود رد فعل لما يكتبة ..؟
او وهو الأهم من ذلك ما كان قد دفعة للكتابة (المسبب ) قد زال تآثيرة و أختفى ..
فلمن يكتب و عن ماذا ..
لمن ؟
لمن يريد ان يقرأ ..
نعم انا اريد ان اقرأ و لكن لا اريد ان ابدى رأيى
أذن لابد ان ادخل داخل عقلك القارىء لأعرف بما يفكر ؟!!
سأسافر بعقلى عبر أثير المكان و الزمان لأكتشف المجهول ..
المجهول: هو من يريد القراءة ؟
و عن ماذا يمكن ان يكتب الكاتب ..
أكيد أكيد عن ما يريد القارىء ان يقرأه ..
جميل اوى طب هو يعرف منين اللى انت بتفكر فية
مش لازم حضرتك تقوله ؟!!
هنا أيضاً لابد للكاتب أن يسافر عبر المكان و الزمان
يدخل عقل من عرف انهم مهتمون بحديثة (ده لو اكتشف ده يعنى)
حتى ..
-فى ناس بتاخد دكتوراه فى الكلمة ده ..^-^-
حتى يستطيع توفير المناخ الملائم لرغبة القارىء فى المعرفة ..
....................
يعرف المفكرون لعنتهم
فالفكر نعمة و نقمة فى ذات الوقت ..
فالمفكر ما هو الا عقل يظل طيلة الوقت يفكر حتى يعيه ذلك
و قد يصيبة بالقلق و الأرق وما الى ذلك ..(الحمد لله اننا مش منهم)
و فى ناس بتقول المجانين فى نعيم يمكن عشان باين عليهم انهم مش بيفكروا !
او ما عندهمش العقل اللى يتعبهم بالتفكير فى اللى بيحصل حواليهم ..
يمكن تفكيرهم اللى فات ده كان سبب جنانهم اصلاً ..
و ان اعقل قرار أخده عقلهم هو انهم يتجنوا عشان يخلصوا من عذاب التفكير
فالتفكير عذاب عن بعض الناس ..إذا وجه توجيهاً خاطئاً
و المشكلة انه احياناً كثيرة يسيطر التفكير على الانسان و يملكه و هنا يكمن الخلل ..
.......................
لماذا يكتب البعض ؟
أعتقد انى وجدت اجابة لهذا التساؤل ..
- أشباع الرغبة فى الفضفضة ..
- الرغبة فى مشاركة الأخرين لهم و العكس ..
- لكسب الرزق ..
- لتحقيق الذات ..
- لجعلها ذكريات يعودون اليها ليستمتعوا بها ..
- توصيل فكرة ما لناس عاوزين الفكرة توصلهم ..
- كدة عايز يجرب لية لأ ؟
- مجرد تقليد أعمى اشمعنى هو مش احسن منى ..
هذا ما قادنى إلية تفكيرى ..
انا لية بكتب الكلمتين دول دلوقتى ؟
يبقى السؤال معلقاً بأنتظار جواب قد يقال و قد لا يقال ..
انا لية بكتب الكلمتين دول دلوقتى ؟
يبقى السؤال معلقاً بأنتظار جواب قد يقال و قد لا يقال ..
15 (YOUR - COMMENTS) عبر عن رأيك:
معظم الناس اللى بيكتبوا كانوا الاول بيكتبوا لنفسهم يعنى فى سكتش بيقروه وخلاص ولا عايزين حد يقولهم حلو ولا عايزين حد يقولهم وحش الا بقا اللى حاسس ان اللى بيكتبوه دة حيفيد الناس او اللى حاسس انه عنده موهبه بس الناس بتفضل تكتب ويمكن ماتديش اهمية للى بتكتبه لحد ما يجى واحد قريب اوى ويقرا ويقوله ان اللى كاتبه بجد حلو ولازم تخلى الناس تقراه سعتها لو اقتنع بيتحول الهدف من الكتابة من مجرد انه يقول اللى فى نفسه الى واحد عايز كل الناس تقراله وتعرفه وتناقشه
بس ليه لو محدش قدر انه يقوله رايه بيبطل كتابة ؟؟؟
ليه؟؟؟
هو هدفه الاصلى كان يطلع اللى جواه
لازم يكتب ويكتب ويكتب اكيد فى يوم من الايام حد حيقدر يقراله او يستفيد من اللى هو كتبه
مدام بدانا طريق وهو صح ومفيهوش حاجة غلط لازم نكمله وبلاش نرجع مع اول طوبة ممكن توقعنا
احيانا اكتب لانى احس بوجود شىء داخل اعماقى عليا ان اخرجه ..حتى ولو بالكتابه
احيانا اكتب لانى لااستطع ان اتكلم ..هناك بعض الاشياء التى اعجز عن وصفها بالكلام ..فاصفها بقلمى
احيانا اكتب لان هناك شىء ما يدفعنى للكتابه
احيانا اكتب لاننى اريد ان اكتب ويكفى ذلك
ولكننى
انشر بعض كتاباتى
لاننى اريد رايا او اريد ان اشارك من حولى بكلماتى
..
موضوع جميل جدااا وعجبتنى اوى فكرة انك حاطه اسباب للكتابه
.. فى مقوله انجليزيه بتقول
we write to be read
هى صحيحة بس فى رايى مش فى كل الاوقات احنا بنكتب علشان الناس تقرا لنا
بس ساعات بنكتب علشان زى ماقلت نطلع االلى جوانا ونطلع احاسيسنا .او علشان ساعات بنحس ان القلم هو الوحيد اللى حيقدر يفهمنا ويتكلم معانا من غير ماينقضنا (علشان ساعات مش بنبقى عايزين اى نقض )
بكرر اعجابى بالبوست ده يااليكس
وجو اون
بوست رائع..لأ بجد تحفة!
جه الوقت اللي أقولك فيه فعلًا
هو ده ! :D
كلامك جميل اوي يا أليكس ومعبر كمان واتفق معاكي في حاجات كتير جدًا فيه.
بالنسبة لي موضوع الكتابة ده كان مجرد هواية فقط لا غير..شيء امارسه وقتما أشعر به.
وأصبح بعد ذلك وسيلة..لغاية.
وحتى الان كتاباتي تتنوع بين هواية ووسيلة.
عندي هدف أو اهداف وعاوزة اوصلها الوسيلة الوحيدة اللي ممكن املكها دلوقتى هيا كلامي وكتاباتى.
اوصلها عن طريق قصة..خاطرة..موضوع عادى لا يمت للادب بصلة( الادب بتاع العربي ه مش حاجة تانية :D)..بكلمة ..بجملة..مش هاتفرق شكل القالب اللي هاصيغها فيه المهم اني اخترت وسيلة اوصل بها افكاري واهدافي.
مش لازم حد يناقشني فيها وبرضه مش لازم انال عليها الاعجاب والموافقة..يكفى اني هاكون راضية ما بينى وما بين نفسي ان الكلام اللي بعرضه ده ممكن يفيد وياثر في حد وياثر تاثير إيجابي كمان.
ولو واحد بس يبقى الحمد لله..فضل وعدل.
عموما الكتابة لمن انعم الله عليه بتلك النعمة بتبقى ضرورة في حياتنا ما ينفعش اننا نرفضها او نتبتر عليها..ولا ينفع نبطل كتابة لاي سبب من الاسباب..حتى لو الواحد كتب لنفسه في كشكوله ..ممكن يكتب كلام ماحدش يفهمه غيره..بس ما ينفعش يبطل كتابة...لو بطل بجد يبقى كده خذل نفسه وخذل ناس كتير ممكن ما يكنشش حاسس باهمية ده ولا واخد باله ولكنه واقع..
كتير منا لما يبتدي كتابة وتجيله شجاعة يعرضها على حد مثلا ويلاقي اللي قدامه مش قادر يفهم كلامه او الهدف من اللي كاتبه يحبط ويتعقد وحاجات كده.
مش غلط لو ماحدش فهمك او العامة ما قدروش يفهموك ..هايجي اليوم واللي هتلاقي حد يفهمك ويستشعر معني كلماتك ويقدر ينقلك بالضبط ويقولك الشعور اللي كنت بتكتب بيه الحاجة دي او قصدك.
لكن الغلط هو انك تبطل كتابة لاي سبب كان..
مش لازم الدنيا كلها تفهمك يكفى تكون فاهم نفسك وتلاقى ولو واحد يفهم كلماتك.
ولازم الواحد وهو بيكتب يدور على السؤال اللي قلتيه.
انا بكتب ليه؟!!
لو بكتب لنفسي خلاص أنا حر !(نفسي يا عم وأنا حر فيه..الله !)
لو بكتب لفئة معينة يبقى لازم كتاباتى دي توصل للفئة دي بالاسلوب المناسب.
لو بكتب للعالم كله يبقى لازم كتاباتى دي تقدر تلمس شيء معين بداخل كل بني آدم في العالم..زي بالضبط كده عقبال املتنا::: الكتاب والادباء العالمين والادب العالمي.
المهم في النهاية طالما الواحد حس ان فعلا فيه خير من كتابته وانه عنده النعمة دي المهم يكمل وما يقفش مهما حصل..ولو جاتله فترة فتور مثلا ما يهملش الكتابة خالص ولكن يبقى على خيط رفيع لأن الكتابة اجدها من رياضات الروح ان انقطعنا عنها سينقلب حالنا تماما.
وبس !
نكمل مرة تانية..بإذن الله
: )
انتى عارفه انا بكتب ليه
انا مش جاية ارد على البوست عشان لسة مقرتهوش كله
انا بس جاية اقول مبرووك على البلوج اللى اكثر من رائعة
انا عمرى ما شفت بلووج كده ^_^
عجبانى جداااااااااااااااااااااااااااا
واللى الامام دائمااااا
السلام عليكم ألكساندرا..
"لماذا أكتب"..كان شاغلني جدا السؤال ده.
بالنسبة لي يعتبر الرأي التالي أقرب سبب لي.
"لكن أنت،لماذا تكتب إذن؟
أ:لست من الذين يفكرون و الريشة في يدهم؛وبدرجة أقل من أولئك الذين يستسلمون لأهوائهم عندما يجلسون علي كرسي و عيونهم شاخصة علي الورق أمام المحبرة المفتوحة؛وكل فعل كتابة يغيظني ويهينني:فالكتابة ضرورة بالنسبة لي.إشمئز من الكلام عنها حتي بالرمز.
ب:ولكن لماذا تكتب إذن؟
أ:للأسف:يا عزيزي.بيني وبينك،لأنني لم أجد وسيلة أخري أتخلص بها من أفكاري.
ب:ولماذا تريد أن تتخلص منها ؟
أ:لماذا أريد ذلك؟وهل أنا أريد؟إني مرغم علي ذلك.
ب:حسنا،حسنا..
نيتشه"
أسف لأن كان المفروض نكمل مناقشة في الموضوع الموجود علي مدونتي.
تقبلي مروري.
تناول تحليلي مفيد.
فعلا تعددت اسباب الكتابة كما ذكرتي آنفاً و لكن تبقي في النهاية الكتابة هي الأثر النظري و نوع من اثبات الوجود في الحياة و اثبات قيد الفكر علي قيد الحياة أيا كان السبب الدافع إليها..
فلوقت كبير كتبت للترويح عن النفس و التعبير عن افكار سلبية حتي لا تلبث قابعة بمخيلتي و تنغص علي تفكيري مطالبة بالخروج خارجي.
و أيا كان سبب الكتابة .. ستكون الخسارة الحقيقية كامنة في التوقف عن الكتابة حيث قد تخبو القدرة.
في انتظار بوست جديد :)
القمر الحزين : غير معرف
"معظم الناس اللى بيكتبوا كانوا الاول بيكتبوا لنفسهم يعنى فى سكتش بيقروه وخلاص ولا عايزين حد يقولهم حلو ولا عايزين حد يقولهم وحش"
تمام هو ده =))
ده للى الناس اللى من هواياتهم الكتابة ولاقين وقت يكتبوا ..
"الا بقا اللى حاسس ان اللى بيكتبوه دة حيفيد الناس "
تمام اوى ...
"ويمكن ماتديش اهمية للى بتكتبه لحد ما يجى واحد قريب اوى ويقرا ويقوله ان اللى كاتبه بجد حلو ولازم تخلى الناس تقراه سعتها لو اقتنع بيتحول الهدف من الكتابة من مجرد انه يقول اللى فى نفسه الى واحد عايز كل الناس تقراله وتعرفه وتناقشه
بس ليه لو محدش قدر انه يقوله رايه بيبطل كتابة ؟؟؟
ليه؟؟؟"
اقولك ليه ..
ببساطة اللى تحول من مجرد الكتابة لنفسة للكتابة للناس هو بقى بيكتب عشان الناس عايز يشوفهم يحس بتأثيرة من خلال تفاعلهم ..
لوة ما لاقاش رد فعل مش حيعرف التأثير
لا ردود .. إذن لا تأثير ما هو مش بيشم على ظهر ايدة !
فحيبطل ينشر ..لكن مش شرط يبطل يكتب
و لو انسان حساس بقى بيبقى التأثير بشع حيندم على اليوم اللى فكر انه ينشر كتاباتة للناس فيه ..
لانة ببساطة حس ان كلامه اصبح مجرد كلام لا معنى له عند الآخرين ..
"هو هدفه الاصلى كان يطلع اللى جواه "
بصى للأهداف تحت ..
حتلاقى انه مش شرط يكون كده :)
"لازم يكتب ويكتب ويكتب اكيد فى يوم من الايام حد حيقدر يقراله او يستفيد من اللى هو كتبه "
زى اللى بيعمل الخير و يرمية البحر تمام
بس خلى بالك لازم الأول نعرف شخصية اللى بيكتب
هو بيكتب ليه و هو ده القصد من البوست :)
هل عشان يعمل خير و لا اى سبب تانى ولا مزيج بين هذا و ذاك الموضوع عميق و ما ينفعش نبص له من فوق بس ..!
كمان لازم عشان تحكم على الكاتب تعرف شخصيتة و عشان تعرف شخصيتة لازم تعاشرة مده كبيرة و مش بس تبقى عارفة كده لا فاهم طريقة تفكيرة ..شفتى ازاى :::
"مدام بدانا طريق وهو صح ومفيهوش حاجة غلط لازم نكمله وبلاش نرجع مع اول طوبة ممكن توقعنا"
تمام عندك حق ..
بس لو كان الطريق فعلاً صح :)
صن رايز sunrise
"ولكننى
انشر بعض كتاباتى
لاننى اريد رايا او اريد ان اشارك من حولى بكلماتى "
جميل تقريباً رديتى اللى كنت عايزه اقوله للقمر الحزين
".. فى مقوله انجليزيه بتقول
we write to be read "
صحيح جزاكِ الله خيراً :)
"هى صحيحة بس فى رايى مش فى كل الاوقات احنا بنكتب علشان الناس تقرا لنا
بس ساعات بنكتب علشان زى ماقلت نطلع االلى جوانا ونطلع احاسيسنا .او علشان ساعات بنحس ان القلم هو الوحيد اللى حيقدر يفهمنا ويتكلم معانا من غير ماينقضنا (علشان ساعات مش بنبقى عايزين اى نقض )
"
كلام صحيح و لا املك رد علية يكفى الموافقة :)
شكراً لمرورك شروق
روح الحياة :او death او EM
مممممم متأكدة ان "هو ده ! :D"
ولا "هو ده !=))"
احم ..
"اني هاكون راضية ما بينى وما بين نفسي ان الكلام اللي بعرضه ده ممكن يفيد وياثر في حد وياثر تاثير إيجابي كمان.
ولو واحد بس يبقى الحمد لله..فضل وعدل."
كان نفسى ما اردش ع الكلام ده
لكن انتى عارفة انى صريحة ..هل شايفة ان كل اللى بتكتبية و اقصد بالكلام الخواطر الشخصية اللى بتنشريها هل ليها تأثير ايجابى ؟
فكما تعرفين احياناً يود المرء مشاركة الأخرين حتى و لو لم يشاركوه بالمثل (ادون لحاجتى للتدوين )..
ممكن اللى بندونة ما يكونش ليه تأثير ايجابى ع الأخرين
"ما ينفعش اننا نرفضها او نتبتر عليها"
اللى بيتبتر على النعمة ربنا بيجازية على قد نيتة
كلمة يتبتر كبيرة يعنى مش عارف قيمتها و مش فارق معاه لو يفقدها و يمكن كمان يقول ده مش نعمة ولا حاجة !
ده لو بيتبتر !
".لو بطل بجد يبقى كده خذل نفسه وخذل ناس كتير ممكن ما يكنشش حاسس باهمية ده ولا واخد باله ولكنه واقع.."
يمكن لو وضحتى الجملة ده افهم قصدك ؟!
"مش غلط لو ماحدش فهمك او العامة ما قدروش يفهموك ..هايجي اليوم واللي هتلاقي حد يفهمك ويستشعر معني كلماتك "
و الله عن نفسى يمكن بكتب احياناً حاجات ما حدش يفهمها اوى لكن لما ما يتكسفوش و يسألوا و اجاوب بيفهموا ..
لو ما حدش قال انه مش فاهم و انا بلو ما وضحتش يبقى انا فقدت التواصل مع تلك الفئة من الناس ..
جميل ان يبقى عندك ثقة بنفسك و قدراتك و فهمك
لكن الاجمل ان اللى حواليك يؤمنوا بده كمان ...
"مش لازم الدنيا كلها تفهمك يكفى تكون فاهم نفسك وتلاقى ولو واحد يفهم كلماتك."
موافقة معاكى جداً لو الموضوع ان ده الأمر الواقع و انا لازم انشر كتاباتى لا مفر (الهدف) و متعلقة بامل ان حد يفهمنى عشان يكمل المشوار مثلاً ..
او فى عدة اوضاع آخرى ..
"لو بكتب لنفسي خلاص أنا حر !(نفسي يا عم وأنا حر فيه..الله !)"
:)
"لو بكتب لفئة معينة يبقى لازم كتاباتى دي توصل للفئة دي بالاسلوب المناسب."
تمام ده اللى كنت بحاول اقولة :)
"
لو بكتب للعالم كله يبقى لازم كتاباتى دي تقدر تلمس شيء معين بداخل كل بني آدم في العالم..زي بالضبط كده عقبال املتنا::: الكتاب والادباء العالمين والادب العالمي.
"
تمام
"رياضات الروح ان انقطعنا عنها سينقلب حالنا تماما."
تعبير غريب شوية ..
الكتابة شأنها اى هواية اخرى إذا انقطعت عنها ستفقد بريقها المنفرد و إذا اردت العوده اليها بنفس القوة ستاخذ وقت اطول بكثير و عناء اكبر ..
شكراً لمرورك ..
زهرة نيسان :
عارفة نوعاً ما بس خلى بالك ما كملناش مناقشة فى الموضوع ده :)
.................................................
موووووووووجتى :
:::
حقولك تانى
ويلكم بيكى تانى فى عالم المدونات ..
و ويلكم خاص فى المدونة خاصتى :)
يا ريت تقرى حاجة على فكرة مش حتلاقى حاجات كئيبة كتير قليلة والله :::
عندك الفهرس دورى على حاجات خفيفة فى الأول لو عايزة تقرى :)
و فى انتظار جديدك ..
الرسام الواقعى :
و عليكم السلام و رحمة الله و بركاتة
بالنسبة لي يعتبر الرأي التالي أقرب سبب لي.
"لكن أنت،لماذا تكتب إذن؟
أ:لست من الذين يفكرون و الريشة في يدهم؛وبدرجة أقل من أولئك الذين يستسلمون لأهوائهم عندما يجلسون علي كرسي و عيونهم شاخصة علي الورق أمام المحبرة المفتوحة؛وكل فعل كتابة يغيظني ويهينني:فالكتابة ضرورة بالنسبة لي.إشمئز من الكلام عنها حتي بالرمز.
ب:ولكن لماذا تكتب إذن؟
أ:للأسف:يا عزيزي.بيني وبينك،لأنني لم أجد وسيلة أخري أتخلص بها من أفكاري.
ب:ولماذا تريد أن تتخلص منها ؟
أ:لماذا أريد ذلك؟وهل أنا أريد؟إني مرغم علي ذلك.
ب:حسنا،حسنا..
نيتشه"
اريد ..لا اريد ..مرغم ..ليس حقاً !
اهذا هو ؟
:)
اعجبنى ردك جداً ..
أسف لأن كان المفروض نكمل مناقشة في الموضوع الموجود علي مدونتي.
الحقيقة حضرتك رحمتنى من التزام كنت مخلياه على نفسى الود ودى ما اتناقش نهائى فى الموضوع ده :)
تقبلي مروري.
اسعدنى مرورك يا فندم ..
فى حاجة مش موجهه لحضرتك بس ..
عندما تقحم نفسك فى مناقشة اى كان نوعها فلا حاجة للنقاش الا إذا شعرت ان من امامك بحاجة الى حديثك ..
:)
Nigm @
"تناول تحليلي مفيد."
شكراً ..
فعلا تعددت اسباب الكتابة كما ذكرتي آنفاً و لكن تبقي في النهاية الكتابة هي الأثر النظري و نوع من اثبات الوجود في الحياة و اثبات قيد الفكر علي قيد الحياة أيا كان السبب الدافع إليها..
جميل جداً هى كذلك ..
و لذلك تكتسب الكتابة قيمتها بمرور الزمن ..
لانها تعتبر آثراً عن ما كان يحدث فى ذلك الوقت ..
"فلوقت كبير كتبت للترويح عن النفس و التعبير عن افكار سلبية حتي لا تلبث قابعة بمخيلتي و تنغص علي تفكيري مطالبة بالخروج خارجي."
لكن خلى بالك لو نشرت تلك الأفكار السلبية رد فعل من اتنين ممكن يحصلوا ..
اما ان يتأثر الأخرين و يقودهم الى تفكير سلبى دون قصد من الكاتب ..
و اما ان يحاولوا تغير ذلك الفكر السلبى الى ىخر ايجابى لديك و لديهم ايضاً ..
حسب ضخصية القارىء ..
عشان كده بفضل لو حصل و كتبت حاجة سلبية و خايفة غيرى يتاثر بحاول الاقى حلول للمشكلة او حتى اصبر نفسى و معايا اللى حيقرأ كلامى ..:)
"التوقف عن الكتابة حيث قد تخبو القدرة."
:)
في انتظار بوست جديد :)
نزل خلاص !
اقصد بالكلام "الخواطر الشخصية" اللى بتنشريها
أنا وضحت اللي عاوزة أعلق عليه:)
فالجملة خاطئة تماما..ساكتفى بهذا كتعليق هنا.
-------------
ملحوظة آخيرة
أعتقد انني اخطات في لفظة "بطر" فهي بالطاء وليست بالتاء فالثانية معناها قطع ..نأسف للخطا الكتابي ولكن كان عليك تداركه وتنبيهي
:)
اعتذر عن الأطالة.
اها وصلت الفكرة ..
ما اقصدتهاش بالمعنى الحرفى ..
اقصد من الكلمة ده حاجة واحدة بس ..
الخواطر الأنسانية اللى بيشعر بيها الشخص احياناً بتكون سلبية ..
عند تعبير احدهم عن حزنة و انا اهتم لأمرة دون ان اشعر ان هناك امل فى تحسن حالتة هذا قد يصيبنى بالأسى و الحزن من اجلة و ينتقل احياناً الاحساس ..
و لكنى ادركت مع الوقت ان لابد ان يحمل الأنسان نفسة على تجنب عواطف الأخرين ..حتى لا يبكى لبكاءهم ..
و احمد الله انى شخصياً تغلبت نوعاً ما على ذلك ..
عندك حق بالنسبة للكلمة و لكن اعتقد انك عارفة انى مش قوية اوى فى اللغة العربية عشان اصلح اخطاء الآخرين و انا فهمت قصدك من الكلمة فمش لازم اعقد الدنيا عشان فى حرف غلط !
شكراً لمتابعتك و مش اطالة و حتى لو اطالة انا برحب بيها ما فيش مشكلة ..
و لو كنت عبرت خطأ عن حاجة فكنت ارجوا ان يلتمس الآخرين العذر لى و ليس شيئاً اخر ..
شكراً لمرورك..
إرسال تعليق
i swear to say the truth ...nothing but truth !