بسم الله الرحمن الرحيم
-------------------------
-------------------------
أضغط على الصور للتكبير فى هذا الجزء اللى مقتبساه من أحد أعداد فانتازيا
التى بعنوان: فلاسفة فى حسائى !
اخترت الجزء المتعلق بنيتشة بالذات
لأن وفر عليا اللى عايزة اقوله :)
و يا ريت يا ريت يعنى الرسام الواقعى بالذات يقرأ الصفحات ده
و حوضح ليه فى الرد على البوست..
***
كنت اغضب أحياناً عندما أقرأ بعض كتابات نيتشة
و قد اظنها مجرد عدم توفيق فى الترجمة
او اننى احب المثالية اكثر من اللازم (اعنى انتقاء الألفاظ المطلوبة للمعنى بدقة أكبر)
و الغريب اننى لم اعرف تماماً لماذا الغضب او الحساسية من تلك الكتابات
سواء فى الفكرة او الألفاظ أحياناً و أحياناً (أقول أحياناً)!
فما لدى كان احساس و ربما كنت اعرف السبب لكن لم اعرف كيف اقوله
و لكننى حين قرأت تلك الصفحات من فترة قريبة
أدركت بمنتهى البساطة سبب شعورى هذا :)
و الآن جئت لأقول ان رأيى مطابق لدكتور احمد خالد توفيق هنا تماماً
:)
_*_*_
عامة الصفحات ده فى منتهى الروعة
فيها أكثر من معنى مهم حنوه عن بعضهم
الجزء المتعلق بالشخصية الخيالية (1) و ربطها أيضاً بالحكيم الفارسى البريىء!(2)
التلقين و المبدىءو الحفظ و التنفيذ (3)
الرثاء على المفترى !
غير ما يمكن ان نتعلمه مما ذكر عن مبادىء نيتشة
و ربطها بحياتنا و عقيدتنا
***
لتحميل القصة كاملة
أضغط هنا
_*_*_
عامة الصفحات ده فى منتهى الروعة
فيها أكثر من معنى مهم حنوه عن بعضهم
الجزء المتعلق بالشخصية الخيالية (1) و ربطها أيضاً بالحكيم الفارسى البريىء!(2)
التلقين و المبدىءو الحفظ و التنفيذ (3)
الرثاء على المفترى !
غير ما يمكن ان نتعلمه مما ذكر عن مبادىء نيتشة
و ربطها بحياتنا و عقيدتنا
***
لتحميل القصة كاملة
أضغط هنا
8 (YOUR - COMMENTS) عبر عن رأيك:
إلى الرسام الواقعى:
فاكر حضرتك لما كان فى بوست فى مدونتك زمان و علقت عليه انى مش مواقفةو كنت متضايقة و حضرتك سألتنى عن السبب ؟بس انامش فاكرة انا جاوبت ايه بس فعلاً كان البوست ده مستفز و ما كملناش مناقشة فيه الحمد لله :)
كنت عايزة اقول فى ناس بتقرأ كلام و تأخد المعنى اللى هى عايزاه منه بس و مالهاش دعوه بالمعانى الأخرى المحتمله او حتى بسلامة الألفاظ او مساسها بالأخرين او بأشياء أخرى أهم من الأخرين..
انا شايفة ان ده مش سليم إلى حد كبير لأنه يقود أحياناً كثيرة إلى الفهم الخاطىء (سواء انه بيفهم الكلام اللى قدامة على مزاجة و ان المعنى المقصود مش كده خاااااالص) أو (انه بسبب الخاصية ده الموجودة فى الأنسان ده حيواجة مشاكل مع غيرة من الناس انه يقول كلام قصده بيه حاجة و الناس تفهمه حاجة تانية)..
يعنى لا الدقة زيادة عن اللزوم فى الكلام واجبة لأنها بتخلق الضيق و الغضب أيضاً و ربما عدم الفهم ..
و لا اللى قلته قبل كده مطلوب لأنه بيؤدى لنفس النتيجة و خير الامور الوسط ..اما رأيى فى نيتشة بس زى ما فى الصفحات فوق لكن فى النهاية ..
"الحكمة ضالة المؤمن ..أنى وجدها فهو احق الناس بها "
أينما وجدت الحكمة فيجب الأستفادة منها :)
موضوع جميل للغاية ومهم جدًا
اسمحيلي أعلق بس مش على القصة.. لأ على كلامك لأن ذهني لا يتسع لقراءة أي شيء بعناية للأسف
كنت مرة في نقاش وذُكرت جملة مقتبسة في الحوار بعد إنتهاء الحوار تعجبت قليلًا..
لأن نفس الجملة أخذها كل من طرفي النقاش وآخذ يصنفها ويشرحها ويطوعها لما يفهمه ولقناعته
وسبحان الله كلانا أعطي معاني رائعة جيدة ولو قال كل منا كلامه هذا دون معرفة الآخر أنه تعليقًا على جملة ما بعينها لمَ صدق أحد
المهم من كلامي هذا هو آخر جملة قلتها في موضوعك
أنه ليس من المهم من القائل أو لما قالها أو ما كانت فكرته.. المهم هو مردود هذا علينا وكيف سنطوعه ونستخلص ما ينفعنا وما يساعدنا للارتقاء سلمة آخرى في حياتنا
تعليق بسيط فقط.. لحين استطاعتي من مطالعة الجزء المقتبس من القصة- بإذن الله.
السلام عليكم جميعا.
اولا:البوست جميل و عجبني جدا.
الحقيقة انا شوفت البوست ده قبل الفجر قبل ما انام..لكن ما عرفتش اجمع المعني المقصود تماما و بدقة، فما عرفتش ارد..قولت انام و لما ارجع من الكلية..لكن لسه الصورة مش وضحها.
انا حاسس ان البوست ده مهم.ياريت لو حضرتك تقدري توضحي ليه المعني المقصود باكثر دقة بالذات التعليق؛خصوصا راي دكتور احمد خالد توفيق لاني مش اعرفه؛انا سمعت اسمه لكن ما حاولتش اعرفه
هل حضرتك تقصدي ان رايك حضرتك في نيتشه مطابق للكلام المقتبس؟.
و الانسان اللي بيحب الدقة "انا ولا نيتشه" و لا احنا الاتنين واحد :)؛و لا حد تاني.
اعذريني ..انا فعلا في ادني حالات التركيز.
منتظر رد حضرتك.
دمتِ بخير.
E.Fekry
تعليق بسيط فقط.. لحين استطاعتي من مطالعة الجزء المقتبس من القصة- بإذن الله.
فى انتظار التعليق بعد قراءة القصة ..
على العموم الجزء المقتبس مش حيحرق القصة كلها و زودت لينك لتحميل القصة فى آخر البوست ..
اما بالنسبة للتعليق البسيط ف .."تمام وصلتى"..
على فكرة فى بوست ليكى جاى فى السكة بس قولى يا رب ؟
الرسام الواقعى :
حضرتك مش عارف دكتور احمد خالد توفيق ولا مش عارف رأية اللى انا مقتبساه ؟
لو كانت الأجابة إن حضرتك ما تعرفش هو مين فحقول مش مهم دائماً هناك وقت للتعرف على الموهبين من الكتاب ..
اما رأيه: فحضرتك لو قريت الصفحات ده حتفهمه كويس و الأسلوب جميل وواضح عشان كده فضلت انى اقتبسه أحسن ما اقوله بطريقتى اللى غاباً مش بتفهموها !
"هل حضرتك تقصدي ان رايك حضرتك في نيتشه مطابق للكلام المقتبس؟."
نعم صحيح ..
------------------
"و الانسان اللي بيحب الدقة "انا ولا نيتشه" و لا احنا الاتنين واحد :)؛و لا حد تاني."
طب ليه الاحراج ده انا اتكلمت بشكل عام عشان ما اتكلمش على حد أصلاً !
حضرتك دلوقتى حاول تقرأ الرد تانى و تفتكر المناقشة اللى كانت بيننا و ما كملتش "فى البوست بتاع حضرتك المقتبس من نيتشة "زمان حضرتك فاكره؟
انا دايماً كنت بعترض على اسلوب نيتشة و يمكن مش انا لوحدى لكن قلنا انه يمكن مشكلة ترجمة ..؟بس ما طلعتش مشكلة ترجمة بس !
معلش مش حعرف اوضح ردى دلوقتى أكثر من كده لأن عندى امتحان بكره دعواتكم ..
عدنا :التوضيح بالنسبة لموضوع الدقة انا رأيى ان ما ينفعش نتجاهل حاجات مش حلوة عشان وراها احنا فاهمين حاجات حلوة تمام ..
إيه علاقة الدقة بالموضوع ؟
إن اتنين بيقرأوا مقالة واحدة :احدهم استاء من أسلوب المقالة فى التعبير و رفضها تماماً و الأخر وجد فيها جمالاً غير عادى ..انا بقول إن الأثنين دول غلط المفروض نحاول نفهم الجميل فى كل شيىء أياً كان الشيىء ده ..و لكن فى نفس الوقت ما نتجاهلش أسلوب سيىء او معانى اخرى محتملة لنفس الكلام ..لإن ما تعرفش هو الكاتب قاصد ايه ؟هل هو قاصد المعنى الكويس ولا المعنى اللى مش كويس ..فانا بس كنت حابه انبهك للحته ده عشان تعرف بس انا ليه ساعات كنت بقول عايزة توضيح للبوست او ايه المعنى اللى عايز توصله حضرتك من أقتباساتك ؟
عشان كده بقول لازم نفكر فى كل المعانى المحتملة للكلام اللى بنقتبسة و نقول انهى جانب احنا عايزين نوصله..
بس كده وصلت ؟؟
أعتذر عن الأطالة..
كده وضحت الصورة تماما.
متفق تماما مع رأي حضرتك الاخير.
شكرا علي التوضيح..شكل حضرتك حتسيبي الصيدلة و تشتغلي مفكرة قريبا :).
انا مش حتكلم عن نتشه لاني مش بحب ادافع عن اشخاص بعينهم رغم ان في علاقة قوية بتجمعنا؛بالنسبة للحاجات اللي كنت بقتبسها كنت بوضح تصوري ليها لما حد بيسأل..كنت عارف ان كلامه ممكن يحتمل معاني تانية؛لدرجة ان في ناس اعتبرتني عدو المرأة!!!!؛لكن اللي كان عاوز يسأل او يعرف شئ كنت بوضحه له و اللي مش بسأل ده حر.
اخيرا صعب تفهمي نيتشه انا معترض علي رؤية دكتور احمد خالد توفيق شوية و برضوا مش حدافع عن نيتشه لكن انا اطلب من حضرتك تشوفي عدو المرأة ببيقول ايه:
"ذا كنت أحببت البحر وكل مايشبه البحر , وما اشتد هيامي به إلا عند مقاومته لي بزوابعه , وإذا كنت أحمل في نفسي غبطة المستكشف , الغبطة التي تدفع بالشراع إلى المجاهل وتملأ رواد البحر حبوراً , وإذا كنت قد صرخت في حبوري أن قد توارت أواخر الشواطئ عن عياني , فتحطمت بتواريها آخر حلقة من قيودي , فها أنذا الآن في وسط المدى الفسيح الصاخب بعيداً عن توالي الأمكنة والأزمان , فهيا بنا يا قلبي الهرم , إلى الأمام !
أواه ! كيف لاأتوق إلى الأبدية و أضطرم شوقاً إلى خاتم الزواج , إلى دائرة الدوائر حيث يصبح الانتهاء عودة إلى الابتداء ؟
إنني لم أجد حتى اليوم امرأة أريدها أماً لأبنائي إلا المرأة التي أحبها , لأنني أحبك أيتها الأبدية .
إنني أحبك أيتها الأبدية ."...
شدي حيلك في الامتحانات.
"لكن اللي كان عاوز يسأل او يعرف شئ كنت بوضحه له"
غريبة !
لما كنت بسأل كنت حضرتك يا إما مش بترد ( فى أخر فتره)
يا اما بتقولى clarify your comment !!!
ما علينا ..
اخيرا صعب تفهمي نيتشه
انا ما قلتش انى فهمته ولا بحاول افهمه ..كل ما فى الأمر انى بقول أحساسى بالنسبة لتعبيراته و اراءه
لكل إنسان لغة و كل لغة تعبير عن ثقافة المرء و لا أعنى هنا باللغة (الأنجليزية او الألمانية ) و إنما اعنى أسلوب فى التعبير ..و الأسلوب ده بيعبر إلى حد ما عن شخصية اللى بكتب ..
زى ما السواقين المشاريع (الميكروباصات) لهم لغة فى التعامل بينهم و بين بعض و بينهم و بين الزبائن ..إذا وضعت أحدهم مع ناس بيتحدثوا باللغة العربيةمثلاً او عن أمور لا تهمه فى شيىء و تختلف مع أسلوبه فى الحياة تماماً (تخيل اللى حيحصل مش محتاجة اشرحه)..!
كذلك كل كاتب و كل مفكر و كل فيلسوف له رؤية فى الحياة منهم من وجد الحياة شر و منهم من وجد الأمل فى كل شيىء بصورة مبالغ فيها و منهم المتشكك ..و نحن نستشعر شيئاً من كتابات كل واحد منهم ولا نجزم بشيىء فلم نكن نحن يوماً هم ..و غنما لنا الظواهر و لعالم الغيب البواطن ..
"وما اشتد هيامي به إلا عند مقاومته لي بزوابعه" الطبيعة البشرية !
"حيث يصبح الانتهاء عودة إلى الابتداء ؟" جبتنى الجملة ده فعلاً..
زى ما قلت قبل كده رؤيتك للأمور ليس من الواجب او المفترض ان تتاطبق مع غيرك 100 فى المائة و لذلك ما زلت عند رأيى ان خير وسيلة عن التعبير عن الرأى هو كلمات الأنسان نفسه الناتجة عن احساسة بالشيىء أما الأقتباس فهو عامل مساعد لا أكثر ،لابد ان يكون لكل انسان أسلوب خاص بيه يعبر عنه ..
يمكن فى حاجات انا شايفة ان ضرورى التعابير فيها تكون تحمل أكثر من معنى (زى فى القصص القصيرة أحياناً ،و زى فى المواضيع التى تفتح نقاشاً متعدد الأطراف )..
وأخر حاجة : ليه نعبر بأسلوب يحمل أكثر من معنى إذا كنا عايزين نوصل معنى واحد محدد ؟
إرسال تعليق
i swear to say the truth ...nothing but truth !