رسالة لكل مسلم

بسم الله الرحمن الرحيم
_______________

الزمان : فى يوم من الأيام قبل شهر رمضان !
المكان :مدخل عمارة بين المنشية و محطة الرمل ..
* الصورة مصوراها بالموبايل *

***
الحكاية انى كنت انا و صديقتى جايين من مشوار
و فى طريقنا من المنشية حتى محطة الرمل
فكان وقت العشاء تقريباً شارف ع القدوم
و المغرب كان اذن علينا و احنا بره و ما كانش فى مسجد
عشان نصلى فيه فى الوقت اللى كنا فيه بره ده
فخلاص بقى الوقت حيروح و العشاء حتأذن نعمل ايه ؟؟؟
فقلنا نمد عسى اننا نلحق نصلى فى القائد ابراهيم رغم انه احتمال ضئيل نلحق !
و اثناء ما صديقتى بتكلمنى عن ضيقها من الموقف ده
فإذا بى المح على باب عمارة أسم مسجد
فاخبرتها بما رأيت و انا أشير إليه ..
فقالت لى بس ده عمارة !
و هل حيكون فى مكان مصلى للسيدات؟
رديت عليها ببساطة " نروح و نسأل "؟
رحنا و طلعنا السلم الأمامى للعمارة ..
و سألنا البوابة هل فى مكان نصلى فيه فشاورت لنا على مكان ورا ستارة
المهم بعد انجاز المهمة بنجاح الحمد لله
لفت نظرى ان البوستر ده متعلق على الحيطة
و مش لوحدة كان فى كذا حاجة موجودة من نصائح للمسلم و غيرة
لكن ده بالذات لفتت نظرى لانها فى رأيى صادقة جداً
و المنطق ده انا معتقدة فى منذ زمن بعيد
للأسف مصوراها من بعيد شوية
لأن الحيطة ده قدامها الحصير اللى بيصلى علية الرجال
و انا كنت بحذائى فماينفش أقرب ..
بس اعتقد انها واضحة الى حد ما

بس للى مش شايف

***
"إلى كل مسلم يتألم من أجل فلسطين "
كن على يقين ..أن التزامك بالدين
يخدم قضية فلسطين ..و يغيظ اليهود المجرمين
و قبل كل شيىء ..يرضى رب العالمين
أجعل حزنك و غضبك إيجابياً
قدم ما تسطيع لاخوانك المسلمين .. و أدع بصدق لهم
قم بتغيير نفسك و أصلحها ..حتى تتغير احوالنا
***
توضيح للى عايزة اقوله
...
" إن الله لا يغير ما بقوم حتى يغيروا ما بأنفسهم "

"من فرج عن مسلم كربه من كرب الدنيا فرج الله عنه كربه من كرب يوم القيامة"

(إذا غيرت نفسك سيساعد ذلك التغيرغيرك أن يتغير بدورة و تدور الدائرة فيتغير المجتمع )

THEN CHANGE CAN BE DONE
...