اتقوا مواطن الشبهات

عن النعمان بن بشير - رضي الله عنهما - قال: سمعت رسول الله -صلى الله عليه وعلى آله وسلم- يقول - وأهوى النعمان بأصبعيه إلى أذنيه: إن الحلال بين وإن الحرام بين وبينهما أمور مشتبهات لا يعلمهن كثير من الناس، فمن اتقى الشبهات فقد استبرأ لدينه وعرضه، ومن وقع في الشبهات وقع في الحرام، كالراعي يرعى حول الحمى يوشك أن يقع فيه، ألا وإن لكل ملك حمى، ألا وإن حمى الله محارمه، ألا وإن في الجسد مضغة إذا صلحت صلح الجسد كله، وإذا فسدت فسد الجسد كله ألا وهي القلب.متفق عليه.

***
الحديث الشريف ده يخوف و يطمن فى نفس الوقت ..!
يطمنا إن طالما انت شايف الفرق بين الصح و الغلط بوضوح و شايف الشبهات فين و حاسس بيها ، فبيطمنك انك كده صح و يؤكد احساسك .. بيرشدك و يطمن قلبك انك طالما ما قربتش من الشبهات يبقى انت فى السليم لو قلناها باللغة الدراجة ..
يعنى لو حاسس فى امر من الأمور انه قد يكون شبهه و افتكرت الحديث الشريف أكيد ده حيعطيك دفعة للأمام فى الصح و تحميك من نفسك و غيرك ..
يخوف بقى عشان لو لاقيت نفسك فى موضوع شبهات تخاف الا يؤدى ده للخطأ هو لسه ما بقاش خطأ لكن ممكن يؤدى إليه فالخوف بقى ازاى تحافظ على نفسك و ترجع للأصوب الذى لا غبار عليه ؟
و أحلى حاجة على الاطلاق إن لما تتقى الشبهات و تبعد عنها خالص ده مش حيخليك فى حاجة مستمرة لتبرير موقفك قدام غيرك او حتى أمام نفسك ..
أحياناً توضيح انك على صواب و انت فى موضع شبهه و لست بمخطأ .. قد يؤدى لنتائج عكسية !
يا رب نفتكركلنا الحديث ده فى كل قرار بنقرره فى حياتنا ..

شكراً للى نشر الحديث الشريف ده